ASTROLOGY - 43 : ருதுக்கள்.

ஒரு ஆண்டில் ருதுக்கள் மொத்தம் ஆறு ஆகும். அவையாவன : 

     1. வசந்த ருது, 2. கிரீஷ்ம ருது, 3. வருஷ ருது, 4. சரத் ருது, 5. ஹேமந்த ருது, 6. சிசிர ருது. 

சித்திரை மாதமும், வைகாசி மாதமும்                                           - வசந்த ருது.
ஆனி மாதமும், ஆடி மாதமும்                                                      - கிரீஷ்ம ருது.
ஆவணி மாதமும், புரட்டாசி மாதமும்                                           - வருஷ ருது.
ஐப்பசி மாதமும், கார்த்திகை மாதமும்                                               - சரத் ருது.
மார்கழி மாதமும், தை மாதமும்                                                - ஹேமந்த ருது.
மாசி மாதமும், பங்குனி மாதமும்                                                      - சிசிர ருது.

வசந்த ருது :

     வசந்த ருதுவின் அபிமான தேவதை காமதேவன்.

வசந்த ருதுவில் பிறந்தவர்களுடைய பலன் :

     மன்மதனைப் போல் அழகானவன், சிறந்த அறிவுடையவன், வெற்றி பெறுபவன், புகழ் பெறுபவன், சங்கீதம் மற்றும் கணிதத்தில் தேர்ச்சி மிக்கவன், சாஸ்திரம் மற்றும் அஸ்த்ர வித்தைகளை அறிந்தவன்.

கிரீஷ்ம ருது :

     கிரீஷ்ம ருதுவின் அபிமான தேவதை அக்னி.

கிரீஷ்ம ருதுவில் பிறந்தவர்களுடைய பலன் :

     செல்வம் மிகுந்தவன், தானியக் குவியல் மிக்கவன், சிறந்த பேச்சாளன், நீண்ட குழற்கற்றைகளையுடையவன், சுக போகங்களைத் துய்ப்பவன்.

வருஷ ருது :

     வருஷ ருதுவின் அபிமான தேவதை வருணன்.

வருஷ ருதுவில் பிறந்தவர்களுடைய பலன் :

     போரில் வல்லவன், சிறந்த அறிவாளி, குதிரைகளிடம் அன்பு கொண்டவன், அழகன், கபம் மற்றும் வாயுத் தொல்லைகளால் வருந்துபவன், மகிழ்ச்சியுடன் வாழ்பவன்.

சரத் ருது :

     சரத் ருதுவின் அபிமான தேவதை பார்வதி.

சரத் ருதுவில் பிறந்தவர்களுடைய பலன் :

     செல்வந்தன், தருமவான், தூய்மையானவன், போரில் விருப்பமுள்ளவன், வாகனங்களையுடையவன், மானமுடையவன், வாயுத் தொல்லையால் துன்பப்படுபவன் மற்றும் ரோஷமுடன் கூடியவன்.

ஹேமந்த ருது :

     ஹேமந்த ருதுவின் அபிமான தேவதை ஆதிசேஷன்.

ஹேமந்த ருதுவில் பிறந்தவர்களுடைய பலன் :

     அமைச்சனாகவும், சாமார்த்தியம் மிக்கவனாகவும், நற்குணங்களுடன் கூடியவனாகவும், நற்ச்செயல்களையும் தரும காரியங்களைச் செய்வதில் விருப்பமுள்ளவனாகவும், பணிவுடன் கூடியவனாகவும் இருப்பவன்.

சிசிர ருது :

     சிசிர ருதுவின் அபிமான தேவதை ஈஸ்வரன்.

சிசிர ருதுவில் பிறந்தவர்களுடைய பலன் :

     சிறந்த உணவு வகைகளையும், பானங்களையும் அருந்துபவன், குருவிடம் அன்பு கொண்டவன், பணிவு உள்ளவன், மனைவி மற்றும் பிள்ளைகளுக்கு விருப்பமானதைச் செய்பவன், தூயமனம் கொண்டவன், ரோஷம் மற்றும் பலம் முதலியவற்றுடன் கூடியவன்.