ASTROLOGY - 41 : ஜோதிடம் - ஆண்டுகள்

51. பிங்கள ஸம்வத்ஸரத்தின் ஸ்வரூபம் :

1. அறுபது ஆண்டுகளில் இது ஐம்பத்தொன்றாவது ஆண்டாகும்.

2. பிங்கள ஆண்டின் அதிதேவதை : கிருஷ்ணன்

3. அதிதேவதையின் நிறம் : நீலம்

4. ஆண்டுத் தேவதையின் தோற்றம் : சிவந்த முகம், சிவந்த கண்கள்,
வேப்பமரத்தடியில் இருப்பவர்.
5. பிங்கள ஆண்டில் பிறந்தவர்களின் பலன் :

பொன்னிறமான கண்கள், இகழத்தக்க செயல்புரிபவன், நிலையற்ற புகழ் பெற்றவன், கொடையாளி, மேன்மை பெற்றவன், பிறருக்கு தீங்கு செய்பவன், கொடூரமான சொற்களை உடையவன்.

52. காளயுக்தி ஸம்வத்ஸரத்தின் ஸ்வரூபம் :

1. அறுபது ஆண்டுகளில் இது ஐம்பத்து இரண்டாவது ஆண்டாகும்.

2. காளயுக்தி ஆண்டின் அதிதேவதை : கல்கி

3. அதிதேவதையின் நிறம் : வெண்மை

4. ஆண்டுத் தேவதையின் தோற்றம் : சிவந்த முகம், சிவந்த கண்கள்,
வேப்பமரத்தடியில் இருப்பவர்.
5. காளயுக்தி ஆண்டில் பிறந்தவர்களின் பலன் :

வளவளவெனப் பேசுபவன், அன்பான தன்மையுடையவன், கொண்டாடத்தக்க அறிவாளி, தெய்வபலமற்றவன், புலவர்களைப் பற்றி பேசுபவன், கருத்த மற்றும் இளைத்த மேனி உடையவன்.

53. ஸித்தார்த்தி ஸம்வத்ஸரத்தின் ஸ்வரூபம் :

1. அறுபது ஆண்டுகளில் இது ஐம்பத்து மூன்றாவது ஆண்டாகும்.

2. ஸித்தார்த்தி ஆண்டின் அதிதேவதை : புத்தர்

3. அதிதேவதையின் நிறம் : வெண்மை கலந்த சிவப்பு

4. ஆண்டுத் தேவதையின் தோற்றம் : பிரமச்சாரி, நீர் நிலையில் தவம்,
கடற்கரையில் வசிப்பவர்,
மேற்குத் திசையில் நின்று
சூரியனை வணங்குபவர்.
5. ஸித்தார்த்தி ஆண்டில் பிறந்தவர்களின் பலன் :

நல்மனம் படைத்தவன், உயிர்களிடத்து கருணை கொண்டவன், வாரி வழங்குபவன், போரில் வெற்றியால் புகழ் பெறுபவன், சுகவாசி, அரசனுக்கு மந்திரியாவான், வெகுமதியாக செல்வம் பெறுபவன்.

54. ரௌத்திரி ஸம்வத்ஸரத்தின் ஸ்வரூபம் :

1. அறுபது ஆண்டுகளில் இது ஐம்பத்து நான்காவது ஆண்டாகும்.

2. ரௌத்திரி ஆண்டின் அதிதேவதை : துர்க்கை

3. அதிதேவதையின் நிறம் : நீலம்

4. ஆண்டுத் தேவதையின் தோற்றம் : அரசனாகச் சிம்மாசனத்தில்
வீற்றிருப்பவர், பிறர் அறியாமல்
கேடு செய்பவர், சூதாடி, சிவந்த
கண்கள், பருத்த உடல்.
5. ரௌத்திரி ஆண்டில் பிறந்தவர்களின் பலன் :

பிறருக்கு அச்சத்தை தோற்றுவிப்பவன், பசுக்களைக் காப்பவன், தெளிந்த மனம் கொண்டவன், சபல புத்தி உடையவன், அதிக துஷ்டத்தன்மை கொண்டவன், கெட்ட பெயரெடுத்தவன், மிகக் கொடியவனுமாவான்.

55. துர்மதி ஸம்வத்ஸரத்தின் ஸ்வரூபம் :

1. அறுபது ஆண்டுகளில் இது ஐம்பத்தைந்தாவது ஆண்டாகும்.

2. துர்மதி ஆண்டின் அதிதேவதை : யாதுதானன்

3. அதிதேவதையின் நிறம் : நீலம்

4. ஆண்டுத் தேவதையின் தோற்றம் : பருத்த மேனி, குதிரை மீது
அமர்ந்தவர், கத்தி கேடயத்துடன்
கூடியவர்.
5. துர்மதி ஆண்டில் பிறந்தவர்களின் பலன் :
சொன்ன சொல் காக்க முயல்பவன், அல்பத்தனம் நிறைந்தவன், காமம் மிகுந்தவன், தன புத்தியை எப்பொழுதும் பிறரைக் கெடுப்பதிலேயே செலுத்துபவன்.

56. துந்துபி ஸம்வத்ஸரத்தின் ஸ்வரூபம் :

1. அறுபது ஆண்டுகளில் இது ஐம்பத்து ஆறாவது ஆண்டாகும்.

2. துந்துபி ஆண்டின் அதிதேவதை : பைரவர்

3. அதிதேவதையின் நிறம் : நீலம்

4. ஆண்டுத் தேவதையின் தோற்றம் : புஷ்கரத்வீபத்தில்
ஆலமரத்தடியில் அமர்ந்தவர்,
மஹாவிஷ்ணுவை தியானம்
செய்பவர்.
5. துந்துபி ஆண்டில் பிறந்தவர்களின் பலன் :

எப்பொழுதும் மன்னர்கள் ஆதரவையும், மதிப்பையும் பெற்றவன், யானை, குதிரைகள், பூமி, பொன் முதலிய செல்வங்களுடன் கூடியவன், நாட்டியம், பாடல்களில் அதிக ஈடுபாடு கொண்டவன்.

57. ருத்ரோத்காரி ஸம்வத்ஸரத்தின் ஸ்வரூபம் :

1. அறுபது ஆண்டுகளில் இது ஐம்பத்து ஏழாவது ஆண்டாகும்.

2. ருத்ரோத்காரி ஆண்டின் அதிதேவதை : அநுமன்

3. அதிதேவதையின் நிறம் : பொன்னிறம்

4. ஆண்டுத் தேவதையின் தோற்றம் : தாமரை நிறைந்த குளக்கரையில்
உறைபவர், பரமேஸ்வரனை
தும்பைப் பூவால் பூசிப்பவர்.
5. ருத்ரோத்காரி ஆண்டில் பிறந்தவர்களின் பலன் :

சிவந்த கண்களையுடையவன், அதிக காமத்தின் வயப்பட்டவன், மெலிந்த உடலமைப்பை உடையவன், தன்மானம் மிக்கவன், மோசமான நகங்கள் உள்ளவன், ஆயுதத்தால் தாக்கப்பட்டு வேதனை அடைபவன்.

58. ரக்தாக்ஷி ஸம்வத்ஸரத்தின் ஸ்வரூபம் :

1. அறுபது ஆண்டுகளில் இது ஐம்பத்து எட்டாவது ஆண்டாகும்.

2. ரக்தாக்ஷி ஆண்டின் அதிதேவதை : சரஸ்வதி

3. அதிதேவதையின் நிறம் : வெண்மை

4. ஆண்டுத் தேவதையின் தோற்றம் : பொன் மாளிகையில் உறைபவர்,
சிறந்த ஆடை அணிகலன்களை
அணிந்தவர், பல பெண்களுடன்
கூடியவராகக் காணப்படுபவர்.
5. ரக்தாக்ஷி ஆண்டில் பிறந்தவர்களின் பலன் :

ஆசாரம் மற்றும் தர்மத்தில் அதிகமாக ஈடுபாடு உள்ளவன், மன்மதனை விஞ்சிய அழகு உடையவன், பிறரின் ஆதிக்கத்தை விரும்பாதவன், கண் நோய் உள்ளவன்.

59. குரோதன ஸம்வத்ஸரத்தின் ஸ்வரூபம் :

1. அறுபது ஆண்டுகளில் இது ஐம்பத்து ஒன்பதாவது ஆண்டாகும்.

2. குரோதன ஆண்டின் அதிதேவதை : தாக்ஷாயணி

3. அதிதேவதையின் நிறம் : பொன்னிறம்

4. ஆண்டுத் தேவதையின் தோற்றம் : கோணலான சரீரம், விகாரமான
முகம், பல பக்கங்களிலும்
பார்வை, கோப குணம்,
மரத்தடியில் நாய்களுடன்
விளையாடுபவர்.
5. குரோதன ஆண்டில் பிறந்தவர்களின் பலன் :

மற்றவர் செயலுக்கு தடை போடுபவன், தாமத குணம் உள்ளவன், பிறருக்கு பயங்கரமானவன், பிறர் மனதையும், புத்தியையும் கெடுப்பவன்.